نيران المجــد

✒ *شاعرة الصمود*
*المجاهدة وفيّه العمري*

شبًي يا نيران أرض المجد شبًي
إحرقي الغازي وأذناب الرذيله


خبريهم إنً درب الحق دربي
واليمن تاريخ للعزه سليله


قرد واشنطن أتى قصده يربًي
شعب شامخ صلب ما يخشى مثيله


ما عرف قدر اليمن من جاء لضربي
إنًها مهد الرجاجيل الأصيله


جاءت امريكا على اكتاف عُربي
بالقنابل والصواريخ المُهيله


إستباحت قتلنا شرقي وغربي
واوجدت لاذنابها مليون حيله


قالو انًي رافضي شيعي وذنبي
إن تأريخي مُعدًاته ثقيله


يحسب انًه بايذل ارضي وشعبي
لا وربي من أتانا بانجي. له


شعبنا للموت يا امريكا يلبًي
مرحبا بالموت من. أجل الفضيله


مستحيل اخضع. ودام الله حسبي
والإسود الضاريه فرد وقبيله


ياابن الأنجاس الوضيع الحرب حربي
والمعارك لعبتي يا ابن الهبيله


والطواير حقًكم هي جنح ذُبًي
في عيون الشعب أو أصغر قليله


لا تخبًي خستك لا لا تخبًي
الزهيمر وانت من نفس الفصيله


حلفكم ذي جاء لإذلالي وسلبي
إسمعو ندبه وفي قبره عويله


من أتى غازي وربي إي وربي
با نخليهم. جثث تشعل شعيله


واسألو قاصف وقاهر ذي يجبًي
بالردى للبغي والزمره العميله


وانت يا بنت اليمن فزًي وهبًي
طلقي الدنيا وقولي مستقيله


لملمي جمر الأسى هيا وصُبًي
كأس موت احمر وروح السم هيله


بندقي وقت الحريب صار عسبي
ويل من يقرب علينا ألف ويله.


ما أفرط في ثرى أرضي ولو بي
ألف طلقه أو غدت روحي قتيله


عزتك يا موطني نبضي وقلبي
والحياه من دونها هي مستحيله


و الكرامه والإباء أكلي وشربي
في دمي تجري وبانفاسي حليله


إن غثيت القاه يمسح كلً غُلبي
وان غِثي في مهجتي أسرع واشيله


أغسل اوجاعه ببحر الحب ذي بي
وان عطشت اشرب من اعذب سلسبيله