شنب تحداء القوه الجويه

في بدعها سميت بسم الخالق
ذي به اموري كلها مقضيه
خالق لنا رب السماء والرازق
الله ربي عالم ايش النيه
من بعد ذاء باقول. وانا صادق
اني مرابط بكرتآآآ وعشيه
مع المسيره بالرصاص الحارق
ضد اي مخطي يرتكب لخطيه
مابسمحه بعطيه حارق خارق
لاما يطالب صلح بالسلميه
خافض جناح الذل صوته ناعق
للمرتزق والغاغه الحزبيه
وانا انادي صوت مثل الصاعق
نعم نعم والفين نعم معنيه
مني لبو جبريل وابو طارق
ولجيشناء ولجانه الشعبيه
ذي رابطو في كل شعب وخانق
قهرآآآ لمن قام اعتداء الحريه
كمن منافق نذل تافه فاسق
ذي جاء يقاتل له مع الشرعيه
كرهن وحقدآآ لشمال الزاعق
قصده يطيب نفس بن هاديه
النذل الاصلع ذي لبنته عاشق
خرج مبرقع مثل ما البدويه
حرمه بلبس اسود ونفس اللاصق
وجهه ممكيج خالف النوعيه
لاما وصل وسط الرياض الدانق
باع اليمن للقوه الحلفيه
لاكن ابو جبريل شاجع عانق
ثور بسرعه وارسل اسكوديه
ردآآ على الجيش السعودي صاعق
برد هز الكوره الارضيه
دمر مبانيهم دمار ساحق
وكل مبناء طاح لا كرسيه
واجه بقوه كل مجرم بايق
شنب تحداء القوه الجويه
والبحريه القاء السعودي غارق
فيها وداس القوه البريه
واحنا معه مامنناء حد فارق
كفز معه بالمال والروحيه
طلق حيات الذل مليون طالق
فخرأء يموت الموته المرضيه
اوصيك ياسلمان منته طايق
شعب اليمن من شرق لاغربيه
ومن الشمال اعلن بحرب ساحق
عشرين سنه من قوة إيمانيه
شعب الأباء لافز فزت صادق
معتاد شي للفزه الكذبيه
يمن موحد شعب واحد مارق
منهار شي كاالدوله السوريه
اسأل بريطاني زمان سابق
وماحصل للدوله المصريه
ابعد من المريخ منته واسق
غناء اليمن في البنيه التحتيه
وانا ابن خولان الطيال الشاهق
ذي مرتبط في النقطه الامنيه
بخنجره يقطع يدين السارق
والمعتدي للعاده السلبيه

الشاعر //احمد علي صالح النهاري